ni la, mun nanpa luka tu li mun ma.
mun ma li mun lili ala! ona la, jan lawa suli mute en jan mute mute pi sona ma en jan mani mute mute en jan mute mute pi telo nasa en jan mute mute pi olin ona li lon. ni la, jan suli mute mute mute li lon ona.
mi wile pana sona e suli pi mun ma tawa sina la, mi ken toki e ni: tenpo weka la, jan li jo ala e wawa suno la, jan seli mute mute li pali e palisa suno.
ni la, sina lon sewi la, sina lukin e mun ma la, ona li pona lukin. lukin la, pali pi jan seli li sama musi tawa. nanpa wan la jan seli pi ma Nusilen en jan seli pi ma Oselija li seli e palisa suno ona. ona li pini seli la, ona li kama lape. tenpo poka pi tawa musi la, jan seli pi ma Sonko en jan seli pi ma Sipi li seli, li tawa. ni la, jan seli pi ma Losi en jan seli pi ma Palata li kama. tenpo poka la, jan pi ma Apika en jan pi ma Elopa li kama. pini la, jan pi ma Amelika seli li kama. pini la, jan pi ma Amelika lete li kama. tenpo ala la, ona li pakala e nasin. ona li pona lukin mute.
jan ni taso li pali lili: jan seli pi ma lawa lawa en jan seli pi ma anpa anpa. tenpo pi sike suno la ona li pali lon tenpo tu taso!