jan lawa lili li tawa lon ma pi telo ala, li lukin e kasi suwi wan taso. ona li jo e lipu kasi pi mute lili. ona li lili lili.
jan lawa lili li toki: “toki.”
kasi suwi li toki: “toki.”
“jan li lon seme?”
tenpo pini wan la kasi li lukin e tomo tawa pi kulupu jan.
“jan? mi pilin e ni: mun ma li jo taso e jan pi mute lili. tenpo pini mute la mi lukin e ona. taso, jan ala li sona e ni: li lon seme. kon li tawa e ona. ona li jo ala e noka kasi la, ni li ike tawa ona.”
jan lawa lili li toki: “mi tawa.”
kasi suwi li toki: “tawa pona.”