jan lawa lili li toki “toki!”
jan pi tomo tawa linja li toki: “toki!”
“sina pali e seme?”
jan pi tomo tawa linja li toki: “mi kulupu e jan tawa. jan tawa li kepeken tomo tawa linja. mi pana e tomo tawa linja tawa nasin ni, anu nasin ante.”
tenpo ni la, tomo tawa linja li kama. ona li kalama wawa sama wawa sewi, li pana e wawa tawa tomo pi jan pali.
jan lawa lili li toki: “jan ni li wile tawa kepeken tenpo lili lili. ona li alasa e seme?”
“jan ala li sona. jan lawa pi tomo tawa linja li sona ala kin.”
kalama wawa pi tomo tawa linja nanpa tu li kama kepeken nasin ante.
“ona li weka lon tenpo lili la, ona li kama kin lon tenpo lili, anu seme?”
“tomo ni li tomo ante. tomo wan li weka la, tomo ante li kama.”
“jan tawa ni li lon ma ona la, ma li ike tawa ona, anu seme?”
“tenpo ale la, jan li lon ma la, ma li ike tawa ona.”
kalama wawa pi tomo tawa linja nanpa tu wan li kama.
jan lawa lili li toki: “jan pi tomo ni li alasa e tomo tawa linja nanpa wan, anu seme?”
“jan ni li alasa e ala. jan li lon insa li lape, anu, ona li lape ala la, ona li pana e kon lape. jan lili taso li pana e nena lawa ona lon lupa pi tomo tawa.”
jan lawa lili li toki: “jan lili taso li sona e alasa ona. ona li pana e tenpo ona ale tawa ni: ona li musi kepeken ijo musi pi jan lili. ijo musi ona li kama suli mute tawa ona. jan suli li weka e ijo musi la, jan lili li pana e telo oko.”
jan pi tomo tawa linja li toki: “ale li pona tawa jan lili…”