lipu 25
jan lawa lili li toki: “jan li lon tomo tawa linja, taso ona li sona ala e ni: ona li alasa e seme? ni la, ona li tawa wawa, li tawa sike.”
ona li toki kin:
“pali ni li suli, taso pona ona li lili.”
lupa telo li lon sinpin pi mi tu la, ona li sama ala lupa telo ante pi ma Sawala. lupa telo pi ma Sawala li lupa lili lon insa pi ko kiwen. lupa telo ni li sama lupa telo pi ma tomo. taso, ma tomo li lon ala. mi pilin e ni: ni li lon lawa mi taso.
mi toki: “ni li nasa. ilo ale pi lupa telo li lon: poki telo en linja en ilo sike li lon…”
jan lawa lili li musi, li kama jo e linja, li open kepeken ilo sike. ilo sike li pana e kalama sama ni: kon li lili lon tenpo suli la, ilo pi sona kon li awen mute; kon li kama la, ona li open pali, li pana e kalama ike.
jan lawa lili li toki: “sina kute ala kute? lupa telo ni li pini e lape ona tan mi tu. ona li pana e kalama musi.”
mi wile ala e ni: ona li kepeken wawa ale ona.
“mi o pali e ni. poki li suli mute tawa sina.”
kepeken tenpo suli la, mi sewi e poki telo. mi pana e ona tawa ma. kute mi la, ilo sike li awen pana e kalama musi ona. mi lukin e suno lon telo; telo li awen tawa lili.
jan lawa lili li toki: “mi wile mute e telo ni. o pana e ona tawa mi.”
ni la, mi kama sona e alasa ona.
mi pana e poki telo tawa uta ona. ona li moku. oko ona li pini. moku ni li suwi mute. suwi li mute sama tenpo musi ni: jan ale li kama, li musi, li pilin pona lon poka pi jan ante. telo li suwi tan ni: ona li tan tawa pi mi tu lon anpa pi mun suno mute. ona li suwi tan kalama musi pi ilo sike. ona li suwi tan wawa pi luka mi. ona li pona tawa pilin, sama ni: jan pona li pana e ijo pona tawa sina. tenpo pi mi lili la, tenpo pi jan sewi Jesu lili la, suno lili li lon kasi. jan pi tomo sewi li pana e kalama musi pona lon tenpo pimeja. jan ale li pilin pona la, uta ona li suwi. ijo ale ni la, jan li pana e ijo pona tawa mi la, ijo ni li pana e pilin suno.
jan lawa lili li toki: “jan pi mun sina li pali e ni: ma kasi ona li jo e kasi loje mute mute. taso, ni li pini ala e alasa ona.”
mi toki: “kin…”
“taso, ijo pi alasa ona li ken lon kasi wan, anu telo lili.”
ona li toki kin:
“oko li ken ala lukin. jan o alasa kepeken pilin.”
mi moku e telo. mi insa e kon. suno li kama la, kule pi ko kiwen li jelo sama ko suwi pi pipi jelo. kule ni li pona tawa mi. ni la, mi pilin ike tan seme?
jan lawa lili li kama lon poka mi, li toki suwi: “sina toki lon tenpo pini la, o pali lon tenpo ni.”
mi toki: “mi toki e seme?”
“sina sona… tenpo pini la, sina toki e ni: sina sitelen e len uta tawa soweli len mi… ni li suli tawa mi: mi o pona tawa kasi loje mi!”
mi kama jo e sitelen mi. jan lawa lili li lukin e sitelen li musi:
“mi lukin la, kasi suli sina li sama kili!”
“a!”
mi la, sitelen mi pi kasi suli li pona lukin!
“sitelen sina la, kute pi soweli loje li sama palisa lawa soweli… kin la, ona li suli ike!”
ona li musi kin.
mi toki: “jan lili o, sina ike tawa mi. mi sona sitelen e ni taso: akesi linja en insa akesi.”
“a! sitelen sina li pona. jan lili li sona.”
mi sitelen e len uta tawa soweli len ona. mi pana e sitelen tawa ona la, pilin mi li pakala lili
. mi toki: “sina kama pali e ijo mute, anu seme? mi sona ala e ale…”
taso, ona li toki ala e wile sona mi. ona li toki:
“o sona… mi tawa mun ma lon tenpo pini… tenpo kama lili la, tenpo pi suno sike wan li pini.”
kalama ala li lon lili. ona li toki kin:
“mi anpa tan sewi la, mi lon poka pi ma ni…”
sinpin ona li kama loje.
nasa la, pilin mi li kama pakala lili kin. taso, wile sona sin li kama tawa mi. mi toki:
“ni la, mi kama sona e sina lon tenpo suno pini lili la, sina wan. sina tawa lon weka mute pi ma tomo la, sina wile e ni: sina tawa ma pi anpa sina, anu seme?”
sinpin ona li kama loje kin. ona li toki e wile sona mi lon tenpo ala. taso, sinpin li kama loje la, ni li pana e sona “ni li lon”, anu seme?
mi toki “a! ni li ike tawa mi…”
taso, ona li toki:
“sina wile pali. o tawa tomo tawa kon sina. mi awen lon ma ni. tenpo pimeja pi tenpo kama la, o tawa ma ni…”
taso, ni li pana ala e pilin pona tawa mi. mi sona e toki pi soweli loje. jan li linja e sina la, sina ken pana e telo oko lili tan ni…